Undervisnings- og forskarsstillingar i samfunnsfag

Førsteamanuensis/førstelektor i samfunnsfag

Ved Institutt for barnehagelærarutdanning ved Fakultet for lærarutdanning og internasjonale studium er det ledig ei 100 % fast stilling som førsteamanuensis/førstelektor i samfunnsfag med tilsetjing hausten 2024.  

Institutt for barnehagelærarutdanning har ca. 2000 studentar og 135 tilsette og er lokalisert i Pilestredet i Oslo sentrum. Instituttet tilbyr bachelor i barnehagelærarutdanning og master i barnehagekunnskap og dessutan ei rekkje etter- og vidareutdanningskurs. Fakultetet tilbyr ph.d. i utdanningsvitskap for lærarutdanning. Instituttet har eit utstrekt samarbeid med barnehagar og institusjonar som er relevante for arbeidet vårt.

Kollegiet samarbeider i tverrfaglege undervisningsteam. Til stillinga ligg det mellom anna undervisning i emneområdet samfunn, religion, livssyn og etikk (SRLE) og i emneområde leiing, samarbeid, og utviklingsarbeid (LSU) på bachelorutdanninga.

Les meir om fakultetet og instituttet: Oslomet.no/om/LUI
Les meir om forskargruppene våre: Oslomet.no/forskning/forskningsgrupper

Arbeidsoppgåver:

• undervise og rettleie på bachelor-, master-, og ev. ph.d.-nivå
• undervise på ulike vidareutdanningar og oppdragskurs for barnehagesektoren
• følgje opp studentar i praksis
• gjennomføre eige forskings- og utviklingsarbeid
  Lærarutdanningsprofilen og profesjonsretta forskings- og utviklingsarbeid står sentralt ved fakultetet. Difor er det viktig at den som blir tilsett, er innstilt på å orientere seg mot profesjonsspesifikke problemstillingar.
• ta initiativ til og delta i utviklinga av større forskingsprosjekt og søknader om ekstern finansiering saman med kollegaer i fagmiljøet
• oppsøkje og delta i forskingssamarbeid med nasjonale og internasjonale samarbeidspartnarar
• bidra i arbeidet med å vidareutvikle fagmiljøet og utdanningane ved instituttet
• formidle forskingsresultat til både fagmiljø og samfunnet elles
• utføre fagleg-administrative oppgåver

Kvalifikasjonskrav:

Til stilling som førsteamanuensis krevst:

• doktorgrad i samfunnsfag eller tilsvarande

Som søker må du dokumentere relevant utdanningsfagleg kompetanse i samsvar med OsloMet sine Retningslinjer for vurdering av utdanningsfaglig kompetanse.

Til stilling som førstelektor krevst:

• dokumentert omfattande forskings- og utviklingsarbeid som i kvalitet og omfang svarer til arbeidsmengde og nivå for ei doktorgradsavhandling i samfunnsfag eller tilsvarande

og

• spesielle kvalifikasjonar innanfor undervisning eller annan pedagogisk verksamheit skal få stor vekt

og

• dokumentert relevant praktisk-pedagogisk kompetanse på grunnlag av utdanning eller undervisning og rettleiing

Til begge stillingane krevst:

• god skriftleg og munnleg framstillingsevne på norsk eller eit anna skandinavisk språk og engelsk

Generelle kriterium for tilsetjing i undervisnings- og forskarstilling går fram av Forskrift om ansettelse og opprykk i undervisnings- og forskerstillinger

Det vil bli lagt vekt på:

• forskings- og utviklingsarbeid som er relevant for stillinga
• undervisnings- og rettleiingsrøynsle på bachelor- og masternivå
• røynsle med forskingsnettverk og prosjekt med ekstern finansiering
• potensial for prosjektakkvisisjon
• pedagogiske evner
• kjennskap til og/eller røynsle frå barnehagefeltet
• røynsle med generell samfunnsfagleg kompetanse, samt kompetanse i organisasjon og leiing
• god digital kompetanse, inkludert røynsle med studentaktive læringsformer og bruk av digitale undervisnings- og vurderingsverktøy
• god evne til å kommunisere og samarbeide med studentar og kollegaer
• personlege eigenskapar som kan bidra positivt til arbeidsmiljøet

Vi vektlegg og om du er personleg egna.

Vi ønsker deg som har

• eigenskapar som kan bidra positivt til arbeidsmiljøet
• god evne til å kommunisere og samarbeide med studentar og kollegar

OsloMet gjennomfører prøving av pedagogiske kvalifikasjonar i forbindelse med intervju.

Det er viktig for OsloMet å spegle folkesetnaden i regionen vår, og vi ønsker alle kvalifiserte søkjarar velkommen. Vi arbeider aktivt med å utvikle oss vidare som ein inkluderande arbeidsplass og for å legge til rette arbeidsplassen dersom du har behov for det. Har du periodar i livet der du ikkje har vært i arbeid, utdanning eller opplæring, er du også velkommen til å søke hos oss.

Vi tilbyr:

• interessante oppgåver ved Noregs tredje største universitet
• deltaking i forskingsgruppe og eit kreativt og inspirerande fagmiljø
• moglegheiter til fagleg utvikling
• tid til profesjonsnært forskings- og utviklingsarbeid
• gode velferdsordningar og eit omfattande tilbod av aktivitetar innan kultur og sport
• låne- og pensjonsvilkår i Statens pensjonskasse

Søknadsprosess:

Vil du søke på stillinga må du søke via  rekrutteringssystemet vårt. Søknaden din blir vurdert av ein sakkyndig komité. Innan søknadsfristen må du samen med søknaden laste opp følgjande dokument:

• søknadsbrev
• CV, attestar og alle sider av vitnemål
• fullstendig publikasjonsliste
• inntil 10 vitskapelege arbeider, og ein oversikt over disse, inkl. ph.d.-avhandling dersom det er relevant
• kontaktinformasjon til 2 referansar

For førsteamanuensis:

• dokumentasjon av utdanningsfagleg kompetanse inkludert profileringsdokument

Søkjarar som ikkje kan dokumentere universitetspedagogisk basiskompetanse, må opparbeide dette innan to år frå dei startar i stillinga. . OsloMet tilbyr emne i universitetspedagogikk som dekker dette kravet.

For førstelektor:

• dokumentert relevant praktisk-pedagogisk kompetanse på grunnlag av utdanning eller undervisning og rettleiing

OsloMet behandlar berre søknadar som er sendt via det elektroniske rekrutteringssystemet, og alle dokument må lastast opp for at søknaden din skal bli behandla. Dokumenta må vere på eit skandinavisk språk eller engelsk. Omsetjingar må vere autoriserte, og originalar må visast fram ved eit eventuelt intervju. OsloMet gjennomfører kontroll av dokument slik at alle kandidatar skal få ei reell evaluering og rettferdig konkurranse. Ufullstendige søknader vil ikkje bli tekne til vurdering.

Før søknadspapira blir sende til dette utvalet, vil alle søknadene bli gjennomgått ved fakultetet. Søknader frå ikkje-kvalifiserte søkjarar vil ikkje bli sende til vurdering.

Tilsetjinga blir gjennomført etter prinsippa i Statsansatteloven (lovdata.no), og lovverk som regulerer eksport av kunnskap, teknologi og tenester.

OsloMet har slutta seg til prinsippa i DORA-erklæringen og forplikta institusjonen til å følge anbefalingane i denne.

Har du dokument som ikkje kan lastast opp elektronisk, kontakt: Ingrid Andvin Tsolakis iats@oslomet.no

Andre opplysningar:

For nærare informasjon om stillinga kan følgjande kontaktast:

• Studieleiar Hilde Bakke, mobil +47 482 99 889/ e-post:
  hilbak@oslomet.no
• Seksjonsleiar Cecilie Thun, mobil + 47 980 77 533/e-post:
  cthun@oslomet.no

Stillinga blir lønt etter statens lønnsregulativ og OsloMets lønnspolitikk, som førsteamanuensis i kode 1011 og førstelektor i kode 1198, lønnssteg 63–74 (frå kr 615 700 til kr 745 000 per år). Frå lønna blir det trekt 2 % pensjonsinnskot til SPK. For spesielt kvalifiserte søkjarar kan høgare lønn vurderast.

Søk elektronisk på stillinga ved å nytte knappen nedst på sida «Logg inn og søk stillinga».